გაუქმებისა და თანხის დაბრუნების პოლიტიკა

შეძენილი მომსახურების თანხა არ ბრუნდება

გეგმა და დამატებითი ლიმიტი შეძენისთანავე იწყება და შეძენილის თანხა არ ბრუნდება - გამოყენებულია თუ არა, გააუქმებთ, შეამცირებთ გეგმას თუ უბრალოდ შეწყვეტთ მომსახურებით სარგებლობას - გარდა კანონით გათვალისწინებული შემთხვევებისა. ეს ეხება გადახდილი თვის დარჩენილ ნაწილს, გამოუყენებელ დამატებით ლიმიტს და ანგარიშის დახურვისას მასზე დარჩენილ ლიმიტსაც.

ანგარიშის შექმნით თქვენ ეთანხმებით, რომ მომსახურება ყოველი შეძენისთანავე იწყება, და რომ ამის გამო განხორციელებული შეძენიდან გასვლა შეუძლებელია.

გამოწერის გაუქმება

გამოწერის გაუქმება ნებისმიერ დროს შეგიძლიათ „პაკეტები“ გვერდიდან. გადახდილი თვე ბოლომდე გრძელდება და მის შემდეგ აღარაფერი ჩამოიჭრება. მანამდე განახლების აღდგენაც შეგიძლიათ.

განახლება

გამოწერა განახლდება თვის იმ დღეს, როცა გამოიწერეთ, შენახული ბარათიდან ჩამოჭრით. თუ გადახდა ვერ მოხერხდა, გეგმის ლიმიტი ჩერდება, ბარათს შვიდი დღის განმავლობაში ყოველდღე ხელახლა ვცდით, ხოლო თქვენ ნებისმიერ დროს შეგიძლიათ გადაიხადოთ „პაკეტები“ გვერდიდან - ახალი თვე მაშინ გადახდის დღიდან დაიწყება. შვიდდღიანი დაუფარაობის შემდეგ გეგმა სრულდება.

გეგმის შეცვლა

გეგმის გაუმჯობესება სრულად იხდება და დაუყოვნებლივ იწყება; წინა გეგმის დარჩენილი ლიმიტი მის ვადამდე რჩება და პირველ რიგში იხარჯება. გეგმის შემცირება მოქმედებს მიმდინარე თვის დასრულებისას და მანამდე გადასახდელი არაფერია.

როდის ბრუნდება თანხა

მხოლოდ მაშინ, როცა გადახდა მოგვივიდა, მაგრამ ვერ მოგაწოდეთ ის, რისთვისაც გადაიხადეთ - გეგმა ორჯერ იქნა გადახდილი, განახლება დადასტურდა გეგმის დასრულების შემდეგ, ან ჩვენს მხარეს მოხდა ტექნიკური შეცდომა. ასეთ შემთხვევაში სრული თანხა ავტომატურად, მოთხოვნის გარეშე ბრუნდება იმ ბარათზე, რომლითაც გადაიხადეთ. ბანკს მის ასახვას შესაძლოა რამდენიმე სამუშაო დღე დასჭირდეს.

ჩაშლილი გაშვება

ჩაშლილი გაშვება არაფერს ხარჯავს. რაც დაჯავშნა, ავტომატურად ბრუნდება თქვენს ლიმიტში.

როცა შედეგი შეცდომებს შეიცავს

გახმოვანებას ქმნის ხელოვნური ინტელექტი და შესაძლოა შეიცავდეს შეცდომებს - არასწორად თარგმნილ, სხვა ხმით წაკითხულ ან ადრე თუ გვიან განთავსებულ ხაზს. დასრულებული გაშვების თანხა შედეგის უზუსტობის გამო არ ბრუნდება. სამაგიეროდ, სტუდიის რედაქტორში შეგიძლიათ მზა გახმოვანება ხაზ-ხაზ შეასწოროთ - შეცვალოთ ტექსტი, აირჩიოთ სხვა ხმა, გადაადგილოთ ხაზი - ხოლო თქვენი შესწორებებით ხელახლა აწყობა იმავე ვიდეოს გახმოვანების მეოთხედს ხარჯავს.

მომწოდებელი და კონტაქტი

სერვისს უზრუნველყოფს ინდივიდუალური მეწარმე მირიანი ჩხვიმიანი, საქართველო.

• საიდენტიფიკაციო №: 15001025936
• იურიდიული მისამართი: საქართველო, თბილისი, ვეფხისტყაოსნის ქ. №90
• ტელეფონი: +995 551 09 55 17
• ელფოსტა: contact@enacvale.com
• საკონტაქტო გვერდი